New Line

ماهي المواصفات لاختيار كورسات مناسبة من اليوتيوب ؟ اليوتيوب بيحتوي عدد كبير جدا من الكورسات، وكلهم بيختلفو من حيث جودة المحتوي والشرح واحترافية الاستاذ و ..الخ، وفي كتير من الاحيان الواحد بيشعر بالتشتت في اختيار الكورس المناسب .. ويختار بصورة عشوائية واحتمال تظبط واحتمال ماتظبط. في البوست ده حنتكلم عن المعايير المن خلالها تقدر تحدد انو الكورس مناسب ليك او لا   ١ - يحبذ تختار كورس عدد الفيديوهات بتاعتو ماتكون كتيرة ومدة الفيديو ماتكون طويلة شديد ..  يعني ممكن عدد الفيديوهات يكون من ١٠ لغايت ٢٠ فيديو .. ومدة الفيديو الواحد حوالي ١٥ الي ٢٠ دقيقة بالكتير. الكورس بالشكل ده بيعتبر قصير نسبيا .. والحاجة دي مهمة جدا خصوصا لما موضوع الكورس يكون جديد عليك لانو بيحفز الزول يبدا ويكمل ويكون مستوعب نسبة كبيرة جدا من المفاهيم الاساسية في المادة المختارة.  لقدام لما تستمر في الموضوع ممكن تدخل علي المواضيع المتقدمة ... وفي كتير من الاحيان مابتحتاج ليها اصلا !! ٢ - يفضل الكورسات البيكون الفيها مشاريع عملية حقيقية اثناء او بعد الانتهاء من الكورس والاستراتيجية دي متبعة في ا...

طيب ابداء بشنو ؟ زي ما ذكرنا في المنشورات الفاتت .. بننصحك تبداء بال (front end) وتدرس HTML ثم CSS ثم JAVASCRIPT ولغايت هنا حتكون قادر تصمم صفحات وواجهات مستخدم جميلة وطوالي تطبق حجات عملية وتحاول تعمل صفحة او اتنين (static) يكونوا كاملات وحقيقيات بالمهارات الجديدة الاتعلمتها الصفحات ال static هي صفحات بتكون FrontEnd بس بدون BackEnd .. والنوع ده مطلوب في السوق في بعض الحالات ...  والتكلفة بتاعتو بتكون اقل من الصفحة الفيها BackEnd واللي اسمها Dynamic Website. الخطوة التانية انك تتعلم (back end) .. وواحدة من اهم اللغات هي لغة ال PHP نسبة لسهولتها وانها بستاعدك تفهم تفاصيل ال back end بصورة عميقة وبالتالي بتاسس نفسك بصورة  قوية .. حتقدر تنفذ بيها اي مشروع ... بالاضافة انو بتقدر تتعلم باقي تقنيات ال back end بسهولة اذا قررت تنتقل لحاجة تانية وطوالي بعد كده تطبق حجات عملية وتعمل صفحة تكون dynamic بالمهارات الجديدة الاتعلمتها .. ويكون فيها قاعدة بيانات، تسجيل دخول وخروج، تقارير .. الخ  وكلما طبقت وعملت مشاريع اكتر كلما مهاراتك بتزيد ومن الخيارات التانية المحبذة لبدء...

اول واهم حقيقة لازم تنتبه ليها في بداية مسيرتك في البرمجة وهي المسؤلة تخليك مبرمج ناجح او تخليك تكره البرمجة من اول شهر .. وهي : ((ماتتعلم اكتر من لغة برمجة ! )) اصلا من الاساس مافروض تتعلم اكتر من لغة !  ولا ده معناو انك حتبقي محترف !!  بالعكس انت بتشتت نفسك بس !!!  البداية الصحيحة انك تبداء بلغة واحدة وتتعلم اساسياتها .. الخطوة التانية انك تبداء تطبق مشاريع عملية علي الحجات الاتعلمتها وتتعلم التقنيات المختلفة المستخدمة باللغة دي .. وكلما طبقت مشاريع اكتر كلما مهاراتك بتزيد اكتر وكده انت بتمشي في طريق الاحترافية. وبعدها حتوصل لمرحلة تكون استوعبت اغلب المفاهيم بتاعت البرمجة .. وبعدها حتكتشف انو اغلب المفاهيم دي متكررة في اغلب لغات البرمجة .. وبالتالي حتلقي من السهولة جدا انك تنتقل من لغة برمجة للغة تانية (ده اذا فعلا احتجت) التطبيق العملي والمشاريع اهم من كترة الشهادات !   حقائق المهمة عن التعليم الذاتي ... ماهي ؟ التعليم الذاتي عندو مجموعة من الميزات الجميلة والرائعة ومثال لكدة انو وقتك في يدك وبتقدر تدرس في الوقت البتكون فيو مرتاح وعندك الرغبة والم...

دايما المذاكرة بتحتاج ذاكرة قوية عشان تحفظ فيها المعلومات ودا بيطلب منك جهد و مثابرة، بس حنشوف في اربعة خطوات كيف تذاكر وتقدر تحفظ بأقل جهد وأكثر ذكاء وكفاءة وخصوصا في فترة الامتحانات.   • اولاً التقطيع : طريقة ذكية عشان تساعدك تحفظ كل المعلومات و تسترجعها مرة أخرى، مثلاً عندك ارقام مطلوب منك انك تحفظها 12764589 عادة العقل البشري قادر يحفظ الاربعة الارقام الأولى (1276) لكن طريقة التقطيع بتساعدك في حغظ كل الارقام المذكور (12)(76)(45)(89) و بيصبح من الساهل جداً انك تحفظها. • ثانياً ربط المعلومات والخيال : عقل الانسان في عملية التخزين عادة بيحفظ القصص و الصور الخيالية أكثر من النصوص، فبالتالي ربطك للمعلومات الجديدة بقصص او صورة معينة بيتح ليك استذكار المعلومات بسرعة و بطريقة مسلية اكتر.  • ثالثاً التعليم المتباعد : هو أنك تاخد المعلومات علي فترات متباعدة، يعني لو في درس حاسي انو صعب عليك، ممكن كل يوم تراجعو لمدة ربع ساعة، وبعد تلاته او اربعة ايام حتلقي انو الدرس بقي ساهل وشبه محفوظ، وده لانو الطريقة دي بتساعدك جدا انك تخزن المعلومات الموجودة في الدرس وتسترجعها بك...

دايما لما نجي نذاكر او نتعلم حاجة جديدة بنكون محتاجبن لذاكرة قوية عشان نقدر نحفظ بيها المعلومات، ومرات بنفتش في طرق عشان نقوي بيها الذاكرة حتي نقدر نستفيد من أي كلمة وجملة اتعلمناها، بس في البداية خلينا نعرف اكتر عن ذاكرة الانسان ذاكرة الانسان العادي هي المكان البتتحفظ فيه المعلومات في المخ علي فترات متفاوتة وبتحتوي علي ٢.٥ مليون بايت ودا بيعني ان الانسان عندو مساحة كبيرة جداً للتخزين المعلومات، يعني لو انت عايز تسجل فيديو مستخدم ذاكرتك ح تكون مدت الفيديو حوالي300,000,000 مليون ساعة ودي فترة زمنية كبيرة جداً.  والانسان عندو نوعين من الذاكرة، ذاكرة قصيرة المدى وذاكرة طويلة المدى وكل واحدة مختلفة تماماً عن التانية  • الذاكرة قصيرة المدي : الذاكرة قصيرة المدى هي الذاكرة البتسمح بحفظ المعلومات الحديثة يعني فور تلقيها و تسمى أيضا الذاكرة الوقتية، ومن الشائع أن الذاكرة قصيرة المدى تحفظ من ٤ الي ٩ معلومة وقتياً، وفي حالة تم تكرار المعلومة اكثر من مرة تتحول المعلومة من الذاكرة قصيرة المدى الي الذاكرة طويلة المدى. • الذاكرة طويلة المدي: أما ذاكرة طويلة المدى هي البيتم ح...

عندنا طرق كتيرة جداً لتحسين الذاكرة ويمكن نكون نحن بنعملها كل يوم بدون ما نعرف، وبتعتبر ممتعة ومفيدة في نفس الوقت، ومن اهمها: ١- ربط المعلومات بصورة مضحكة مثلا ربط الارقام بصور تعبيرية مضحكة او جمل بنشاهد مضحكة في مسلسل، دا بيساعدنا أنو نتذكر كل المعلومات بسهولة وكل ما كانت الصور مضحكة كل ما قدرت تحفظ اكتر واكتر وهي من اكتر الطرق البتساعد في تحسين الذاكرة قصيرة المدى وبتقدر تحفظ من اربعة الي عشرين معلومة بسهولة وبدون ما تبذل اي مجهود يزكر .                    ٢- من الطرق الممتعة لكل افئات أسمها النونمك وهي ربط المعلومات بالحان مثلاً قصيدة أو مقالة في تاريخ ممكن تربطها مع لحن لموسيقى او اغنية بتحبها ودا بيساعدك بطريقة كبيرة انك تحفظ المعلومات لفترات طويلة وكمان بتقدر تسترجع المعلومات دي متى سمعت اللحن المعين.  ٣- تقسيم المعلومات ووضعها علي شكل جمل ، وبتساعدك الطريقة دي علي التركيز حتي لو كانت المعلومات معقدة مثلاً مقالة في التاريخ بتتكلم عن المغول، ف ممكن نقسم المقالة علي جمل او عبارات (المغول قبائل بربرية تسكن أوسا...

تصميم المواقع الالكترونية تعتبر من المهارات المهمة والمفيدة والمربحة جدا، وفي البوست ده حنشوف مع بعض اهم الاسباب البتخلي انو من المهم والمفيد انك تتعلم تصميم المواقع الالكترونية: ١- تعتبر من المهارات المربحة ماديا نسبة للطلب العالي عليها عالميا وتتعدد سبل الربح منها (يعني ممكن تشتغل كموظف في شركات برمجة وتصميم، او ممكن تشتغل كمستقل بصورة فردية مع زبائن محليين او حتي عالميين عبر منصات العمل الحر، وممكن تعمل شركتك الخاصة) ٢- يعتبر الموقع الإلكتروني بمثابة الواجهة والبطاقه التعريفية للمؤسسات بمختلف انواعها وانشتطها وبيساعد كتير جدا في تسهيل وتبسيط الاجراءات الروتينية بالاصافة لانو بيضيف للمؤسسة بريق ولمعان ولمسة احترافية مميزة.  ٣- السهولة النسبية في تعلمها وتعتبر كمية المعلومات المسبقة البتحتاج تكون عارفها قليلة نوعا ما، وبالتالي بيجعل التعلم والاحتراف في المجال مربوط اكتر بالممارسة والاطلاع الذاتي، وفي نماذج كتيرة لشخصيات من مجالات مختلفة قدرت تنجح وتتميز في المجال ده. ٤- حتستفيد جدا اذا كنت لسه طالب جامعي لانو حيكون قدامك فرصة اكبر انك تمارس وتكتسب خبرة وتنمي مهارات...

كتير مننا بيعاني من مشاكل في اللغة الانجليزية وبيكون عندنا الرغبة اننا نحسن لغتنا ونقدر نتكلم ونتواصل بطلاقة.  اللغة الانجليزية اليوم هي لغة العلم والتقدم، وهي اللغة الممكن تقدر تتواصل بيها في اي بلد في العالم، وكلما اتقنتها اكتر بتوفر لنفسك فرص اكتر وافضل.  عشان كده حنوريكم في سلسلة المقالات الجاية السر اللي بيهو حتقدروا تطوروا وتحسنوا من لغتكم الانجليزية وكمان حتكونوا قادرين تتخاطبوا وتسمعوا وتفهموا اي محادثة باللغة الانجليزية.   (المواظبة اليومية والاستمرارية) علي الاستماع او القراءة باللغة الانجليزية هي العامل الاساسي الحيساعدك في تطوير وتحسين لغتك الانجليزية.  المواظبة مقصود بيها انك تسمع او تقرأ يوميا مدة عشرة دقايق ولمدة ستة شهور علي الاقل في البداية ممكن تحس انو ال(عشرة دقائق) دي بسيطة وانك مفروض تقعد مده اطول من كده ، بس السر هو في الاستمرارية وليس في المدة اليومية يعني مثلا، تستمع للغة مدة عشرة دقايق في اليوم لمدة ستة شهور افضل من انك تستمع للغة مدة ساعة او ساعتين وماتقدر تستمر اكتر من اسبوعين او شهر ..  وكلما كانت المدة اليومية بسيطة ...

حنشوف في المقال ده خمسة مصادر مفيدة ومهمة وحتساعدك في تطوير لغتك الانجليزية، بالاضافة لبعض الاخطاء الشائعة البيقع فيها كثير من المبتدئين  ١- قناة English Addict صاحب القناة مهتم بتقديم دروس مفيدة لتعلم اللغة الانجليزية بصورة مجانية علي اليوتيوب، وبتتميز الفيديوهات بالبساطة والمتعة والتركيز علي تعلم استخدام اللغة في المحادثات اليومية، وبتشمل مجالات مختلفة زي الطبيعة، الاخبار، الموضة ... الخ ٢- قناة BBC Learning English علي اليوتيوب هي قناة لتعليم اللغة الانحليزية من مؤسسة ال BBC المعروفة، وهي غنية بمجموعة كبيرة جدا من الفيديوهات التعليمية عالية الجودة ومتعددة المجالات والتقسيمات ٣- قناة Learn English with TV series علي اليوتيوب بتحتاج منك مستوي متوسط، يعني بتحتاج انك تكون بتقدر تسمع وتفهم انجليزي بس محتاج تدرب نفسك تسمع وتفهم بصورة اسرع.   المحتوي بتاعها عبارة عن مقتطفات من الافلام وبيتم عرضها ببطء مع كتابة الجمل البتتقال في اسفل الشاشة حتي تقدر تتابع وتفهم المقاطع، وبالتالي مع التدريب المستمر حتقدر تفهم انجليزي الافلام (مستوي متقدم) بصورة اسرع وافضل.  ٤- ...

في المنشور ده حنشوف تلاته من الممارسات المهمة  والمفيدة البتساعدنا في تحسين وتطوير لغتنا الانجليزية، وفي نهاية المقال حنشارك معاكم بعض من اشهر نوادي المخاطبة العامة في الخرطوم.  ١- الاستماع في الموصلات  الوقت البنقضيهو في الموصلات مابسيط ولو قعدت تحسب في الاسبوع انت بتقضي كم ساعة في الموصلات حتندهش بالتاكيد، لانو اغلب الناس بتقضي اسبوعيا حوالي (١٠ - ٢٠) ساعة في الموصلات وده رقم كبير جدا وغالبا بيضيع ساي بدون نستفيد منو اي حاجة   بننصح انو الواحد ينزل بعض من المواد الاتكلمنا عنها في البوست الفات في التلفون (بحيث ماتحتاج تفتح الانترنت) ويكون عندك سماعة صوتها كويس، وبالتالي حتقدر تستفيد وتستمتع بالوقت البتقضيهو في الموصلات ٢- الجدول الشهري  ممكن تعمل جدول شهري من خلالو تتعلم وتتعرف علي مجالات تانية، بحيث انو في كل شهر تستمع وتقرا عن مجال مختلف (تقرا عن التعليم، الصحة، الاقتصاد، الرياضة، الفنون، الجغرافيا، ...الخ) والحاجة دي حسب مستواك في اللغة،  التكنيك ده حيزيد من ذخيرتك اللغوية بصورة كبيرة وحتكون قادر تتواصل في شتي المجالات والمواقف.  ٣- نو...

  كلمة cv اختصار ل curriculum vitae ومعناها السيرة الذاتية، وهي مستند يعبر عن الخلفية التعليمية والخبرة العملية للفرد وتستخدم في التقديم للوظايف المختلفة. حنتناول في الموضوع ده خمسة خطوات بسيطة بتساعدك في كتابة cv احترافي في خمسة خطوات بسيطة وسهلة • الخطوة رقم ١ تحديد التخصص من المهم انك تحدد التخصص العاوز تستمر فيهو، بس في بعض الأحيان كتير من الناس ممكن ماتكون عارفة تختار شنو، وفي الحقيقة اختيار التخصص الدقيق من الامور البتحتاج وقت ومجهود حتي تقدر تصل للحاجة المناسبة ليك وتكون متاكد ومقتنع منها. • الخطوة ٢ :استذكار جميع مهاراتك وخبراتك العملية المتعلقة بالتخصص المختار حاول اتتذكر مهاراتك وهواياتك وكل الحجات البتقدر تعملها بصورة ممتازة ويكون عندها علاقة بالتخصص بعض الامثلة الرغبة المستمرة في تعلم اشياء جديده امكانية القيادة وادارة الفريق امكانية العمل ضمن المجموعات المقدرة علي حل المشاكل والنزاعات .. وغيرها وكمان اذا عندك اي اشغال اشتغلتها سوا كان بصورة رسمية او غير رسمية، او تطوع، او فترة تدريب، بشرط يكون عندها علاقة بالتخصص، من المهم انك تذكرها. • الخطوة رقم ٣ : ال cv الاحترافي ...