New Line

طبعا كلنا بنتمني وبشده نهاية الحرب الحاصلة دي في اقرب وقت ممكن لانو استمراراها علي حساب المواطن البرئ قبل كل شئ يمكن جزو كبير مننا طلع من الخرطوم، وفي جزو موجود في بعض مناطق الخرطوم الامنة، وكمان في ناس سافرت بره الخرطوم وحست بملل شديد وقررت انها ترجع تاني والتحدي المشترك البواجه كل الناس هو عدم الموضوع الحاصل وكتير من الناس بقت مجبورة تقعد في البيت بدون دراسة او شغل او مصدر دخل او رؤية واضحة لمستقبلها حنشارك في البوست ده بعض الافكار الحتساعدنا نكون منتجين في الوفت ده، لانو حتي المتابعة الدؤوبة للوضع السياسي ممكن تؤثر سلبا علينا وترهقنا نفسيا • الفكرة الاولي: التطوع التطوع يعتبر من الانشطة المفيدة والمهمة لكل الشباب بصورة عامة والطلاب الجامعيين بصورة خاصة، لانو بيساعد الفرد في تنمية المهارات وفي اختيار مجال العمل   ويعتبر من المتطلبات المهمة في المنح الدراسية الكبيرة، وقبل كل شئ يعتبر خدمة انسانية ومساعدة للغير.  ممكن الواحد يتطوع في مجال خبرتو باستخدام المهارات البيمتلكها او في اي مجال تأني.  وبعض من الامثلة هي : ١- حصر ومساعده كبار السن في المنطقة بتاعت...

تعتبر الهواتف الذكية اليوم من الادوات المهمة جدا لكل الناس وده نظرا للفائدة الكبيرة وقدر شنو بتسهل علينا كتير من الامور. وبالنسبة للطلاب في الجامعة بتعتبر التلفونات الذكية من المستلزمات المهمة جدا ومن خلالها بيقدر الطالب ينزل الشيتات والمراجع وهو في البيت، يقدر يقرا من التلفون في اي مكان (في الموصلات مثلا) ، بيقدر يتواصل مع الدفعة ويعرف كل الحاصل لحظة بلحظة، يسجل المحاضرات، الدراسة اونلاين، وغيرها من الامور المهمة.  وعشان كده مهم جدا انو يكون عندك تلفون كويس تقدر تعتمد عليهو ومايخذلك، ومهم انك تقدر تميز بين الجهاز الاصلي وغير الاصلي لما تجي تشتري حتي تقدر تختار اختيار يريحك وماتشيل هم انو ممكن التلفون يموت في اي لحظة وبدون اي مقدمات وبالتالي حتفقد قروشك وكل البيانات المهمة.  المشكلة انو الفترة الاخيرة انتشرت نسبة كبيرة من التلفونات ذات الجودة الرديئة واسعارها تكاد تكون نفس اسعار الاجهزة الاصلية وبالتالي بتزيد من صعوبة التمييز بين الجهاز الاصلي وغير الاصلي.  وحنشوف في المقال ده تلاته خطوات بسيطة من خلالها بنقدر نعرف اذا كان الجهاز مطابق للمواصفات أو لا، حتي نقد...

في بعض التطبيقات ممكن تكون محظورة في بلدك وبالتالي لما تبحث عنها في play store غالبا مابتلقاها اصلا، ولو بحثت عنها في متصفح الانترنت حتلقي انو التطبيق موجود بس لما تضغط عشان تفتحو في ال play store حتلقي انو بيفتح وبيديك الرسالة This item is not available in your country  والرسالة دي بتكون موجودة حتي واحنا مشغلين ال vpn !  في بعض الناس بتحل المشكلة دي انو بتنزل التطبيقات دي من متاجر تانية غير المتاجر الرسمية، والحاجة دي مابننصح بيها نسبة لانو المتاجر غير الرسمية ممكن تكون غير أمنة لجهازك وللبيانات بتاعتك طيب الحل شنو !؟   حنشوف مع بعض في البوست ده كيف تقدر نحل المشكلة دي ونقدر ننزل التطبيقات العاوزنها من المتاجر الرسمية الفكرة ببساطة انو لما نفتح ال play store بيحتفظ بالموقع بتاعك في ذاكرة اسمها cache، والموقع بيكون محفوظ جوه الذاكرة دي وبيوري ال play store انت من ياتو بلد، فبالتالي لو فتحت ال vpn ايوة صح حتغير الموقع بتاعك، بس الموقع المحفوظ جوة ال cache لسه الموقع القديم الفكرة كلها انو مفروض نقفل ا...

هل تعلم انو شركة قوقل عندها حوالي ١٣١ تطبيق بتخدم اغراض مختلفة، وبتسهل علينا الحياة بصورة كبيرة جدا، لانها بتخلي كل شئ بسيط وفي مكان واحد، بس للاسف انو اغلبنا مابنعرف غير (بحث قوقل واليوتيوب او مترجم قوقل)  في البوست ده حنمر علي بعص الخدمات المهمة والغير معروفة للاغلبية ونشوف كيف ممكن نستفيد منها،  اول حاجة لازم يكون عندك حساب قوقل حتي تقدر تستفيد من الخدمات دي، ومجرد ماتعمل ايميل في Gmail طوالي حيكون عندك حساب في قوقل، وحستسخدم عنوان الايميل وكلمة السر حتي تدخل علي باقي التطبيقات.  ومن اهم التطبيقات دي: ١- تطبيق Google Drive ، وهي عبارة عن ذاكرة تخزين مجانية بسعة ١٦ قيقابيايت علي الانترنت، وفيها ممكن تحتفظ بكل ملفاتك او بياناتك الخاصة، وتقدر تدخل عليها من اي جهاز سواء كان لابتوب او ديسكتوب او موبايل او تاب او .. الخ، وممكن تعمل دعوة لناس تانية تقدر تستعرض او تعدل في الفايلات دي.  والخدمة دي حلت لينا مشاكل فقدان الفلاشات الممكن نكون محتفظين فيها ببيانات مهمة واستحالة استرجاع البيانات في الحالة دي برضو حلت لينا مشاكل الفايروسات الممكن تنتقل عن طريق الفلاشا...

فترة الاستعداد للامتحان من اكتر الفترات المرهقة نفسياً ، وكل واحد بيحاول يغطي كل المقرر او جزء منو على الاقل وطبعا التوتر بيلعب دور كبير ويخلينا ما نركز او نعرف نبدا بس حنشوف مع بعص خمسة خطوات ذكية حتساعدنا كتير في الاستعداد للامتحانات وهي: الخطوة الأولى (المكان المخصص للدراسة): من المهم جدا أنو المكان يكون مخصص للدراسة عشان نقدر نركز ونبعد اذهانا عن المشتتات.  دائما عقل الانسان عندو خاصية (الذاكرة المكانية) يعني بيربط المكان بفعل معين يعني السرير بالنوم و المطبخ بالأكل وده بيجعل من الصعب أنك تدرس في أماكن بتربطك بحاجة غير القراية لانها بتستهلك منك طاقة كبيرة في التركيز.    يستحسن انو المكان المخصص للدراسة يكون هادئ ومريح للدراسة (مهم يكون في طربيزة وكرسي) خصوصا لساعات القراءة الطويلة حتي تقدر تنجز اكبر عدد من الدروس.  الخطوة الثانية هي التعاليم الفعال (SQ3R): ال (SQ3R) هي طريقة قدمتها جامعة اوهايو في عام ١٩٣٠م وتعتبر من الطرق الفعالة للمذاكرة في وقت اقل وللحصول علي نتائج افضل، ومضمونها: - الاستطلاع (Survey) أبدا بتصفح الكتاب لتحفيذ الذاكرة و الإجابة علي...

التوتر و الخوف من اكتر العوامل البتأثر علي ادائك اثناء الامتحان، حتى لو انت مستعد ومراجع كل المعلومات بالكامل، لكن التوتر حيضيع عليك كتير من المعلومات، وحنشوف في البوست ده سبعة نصائح حتساعدك وحتسهل عليك كتير داخل غرفة الامتحان.  اولا: الهدوء: الهدوء بيساعد كتير في صرف العقل عن التوتر، من خلال انك تحاول تنظم عملية التنفس وتحاول تهدي نفسك بقدر الامكان. ثانياً: لا تحاول تذكر معلومة صعبة أو سؤال صعب من أكبر الأخطاء بنعملها داخل غرفة الامتحان قبل ما نبدا نحل، هو انو نحاول نتذكر تعريفات او دروس نحن صعبة، عملية الاسترجاع بتزيد التوتر والخوف وبالتالي بتنسي نص المعلومات العندك.  ثالثاً: تجنب ضغط الوقت   مهم جدا انك ما تقع في فخ ضغط الوقت عشان التوتر و الخوف بيخليك تفقد كثير من الدرجات لما تبدا تحل حاول راقب مدة حل كل سؤال وفي حالة مضيت زمن طويل في سؤال واحد خليهو طوالي وامشي للسؤال البعدو.  رابعاً: دقيقتين راحة   من اكتر الخطوات الذكية وخصوصاً لما يواجهك سؤال صعب او مختلف عن باقى الاسئلة، هو أنك تتوقف عن الكتابة تماماً و تبدأ تفكر في أشياء قريبة ليك او ا...