كيفية تحميل التطبيقات الغير متاحة في بلادك من متجر قوقل

في بعض التطبيقات ممكن تكون محظورة في بلدك وبالتالي لما تبحث عنها في play store غالبا مابتلقاها اصلا، ولو بحثت عنها في متصفح الانترنت حتلقي انو التطبيق موجود بس لما تضغط عشان تفتحو في ال play store حتلقي انو بيفتح وبيديك الرسالة

This item is not available in your country 

والرسالة دي بتكون موجودة حتي واحنا مشغلين ال vpn ! 

في بعض الناس بتحل المشكلة دي انو بتنزل التطبيقات دي من متاجر تانية غير المتاجر الرسمية، والحاجة دي مابننصح بيها نسبة لانو المتاجر غير الرسمية ممكن تكون غير أمنة لجهازك وللبيانات بتاعتك

طيب الحل شنو !؟ 

حنشوف مع بعض في البوست ده كيف تقدر نحل المشكلة دي ونقدر ننزل التطبيقات العاوزنها من المتاجر الرسمية

الفكرة ببساطة انو لما نفتح ال play store بيحتفظ بالموقع بتاعك في ذاكرة اسمها cache، والموقع بيكون محفوظ جوه الذاكرة دي وبيوري ال play store انت من ياتو بلد، فبالتالي لو فتحت ال vpn ايوة صح حتغير الموقع بتاعك، بس الموقع المحفوظ جوة ال cache لسه الموقع القديم

الفكرة كلها انو مفروض نقفل ال play store (ونقفلو كمان من ال recent) ونمشي نحذف البيانات الموجودة جوة ال cache يدويا، وبعد كده نشغل ال vpn واخر حاجة نفتح ال google play من جديد

في المرة الجديدة دي ال cache لانو فاضي حيحفظ الموقع بتاع ال vpn، وبالتالي حيوري ال google play بانك في بلد تانية وبالتالي حتقدر تنزل التطبيقات العاوزها

الخطوات موضحة في الصور

• ملحوظة : الجهاز المستخدم في الصور Huawei ولكن نفس الفكرة في الاجهزة التانية.